Янгиликлар

CОVID-19 пандемияси пайтида эмлаш:

Thu, 14 May 2020 00:00:00 -0300

ота-оналар учун саволлар ва жавоблар

COVID-19 пандемияси пайтида эмлаш:

Thu, 14 May 2020 00:00:00 -0300

тиббиёт ходимлари учун саволлар ва жавоблар

ЖССТ ва ЮНИСЕФ нинг қўшма баёноти

Tue, 21 Apr 2020 00:00:00 -0300

COVID-19 пандемияси вазиятида режалаштирилган иммунизация хизматларини сақлаб қолиш ўта муҳимдир

Вакцинация ўз самарадорлигини сақлаб қолиши мақсадида, COVID-19 пандемия шароитларида, вакцинация давом эттирилиши керак

Mon, 20 Apr 2020 00:00:00 -0300

ЖАҲОН СОҒЛИҚНИ САҚЛАШ ТАШКИЛОТИ ЕВРОПА МИНТАҚАВИЙ ВАКОЛАТХОНАСИ ДИРЕКТОРИ, ДОКТОР ГАНС ГЕНРИ П. КЛУГЕНИНГ 2020 ЙИЛ, 29 АПРЕЛДАГИ ЕВРОПА ИММУНИЗАЦИЯ ҲАФТАЛИГИ МУНОСАБАТИ БИЛАН БАЁНОТИ.

ДАНИЯ, КОПЕНАГАГЕН.

Биз мисли кўрилмаган даврларда яшаяпмиз, чунки ҳар биримиз COVID-19 тарқалишининг олдини олишга ҳисса қўшишни ўз олдимизга мақсад қилиб қўямиз. Европа минтақасидаги COVID-19 билан боғлиқ вазият катта ташвиш туғдирмоқда.

Европа иммунизация ҳафталиги тақдим этган имкониятдан фойдаланиб, иммунизация бўйича саъй-ҳаракатларимизни сусайтирмаслигимиз кераклигини яна бир бор таъкидламоқчиман. Вакциналарнинг ҳамма учун мавжудлиги жамиятимизни тубдан ўзгартирди; Бундан ташқари, эмлаш бу жамоат учун фойдалидир, ҳатто қийин пайтларда ҳам фуқаролар учун вакцинация самараси бекор бўлмаслиги учун вакцинация барча учун мавжуд бўлиши керак. Ҳозирги вақтда бизнинг ҳаддан ташқари юкланган соғлиқни сақлаш тизимларимиз эмлаш орқали бошқарилувчи инфекцияларнинг янги ўчоқларини енгишга қодир эмас.

Ушбу пандемиянинг тиббий ва / ёки иқтисодий оқибатлари барчага таъсир қилади. Эмлаш хизматлари кўпинча етарлича эътибор бермайдиган энг ҳимоясиз одамлар эмлаш орқали юқадиган касалликларнинг қўшимча юкидан азият чекмасликлари керак.

Ўтган йили минтақамиздаги 100 мингдан ортиқ аҳоли, ҳам болалар, ҳам катталар қизамиқ билан касалланишди. Ушбу вирус ҳеч қаерга йўқолмади. Агар биз уни тўхтатиш учун қўлимиздан келганини қилмасак, у яна қайтиб келади.

Менинг тўртта энг муҳим ташаббусимдан бири, эмлашни биринчи ўринга қўйишдир. Ушбу ташаббус, Жаҳон соғлиқни сақлаш ташкилотининг Европа минтақаси бюросининг соғлиқни сақлаш соҳасидаги стратегик қарашларида марказий ўринни эгаллайди. Эмлаш умумий соғлиқни сақлаш қамровига ва Барқарор ривожланиш мақсадларига эришишда муҳим рол ўйнайди. Бу, шунингдек, бутун минтақа бўйлаб жамоат саломатлиги хавфсизлигини кафолатлайдиган жамоат ҳаётининг ажралмас қисмидир.

Шунинг учун, мен ҳам фурсатдан фойдаланиб, минтақадаги барча мамлакатларнинг соғлиқни сақлаш вазирликларига бизнинг чақирувимизни эшитганлари ва ҳозирги пандемияда асосий тиббий хизматларни тақдим этишда мунтазам иммунизация учун устувор аҳамият бериш учун қўлидан келганини қилганлари учун миннатдорчилик билдирмоқчиман. Шунингдек, тиббий ёрдам кўрсатишда ва вакцинация хизматларини кўрсатишда ҳеч ким қаровсиз қолмаслигини таъминлаш учун тинимсиз ва фидокорона меҳнат қилаётган тиббиёт ходимларимизга миннатдорчилик билдираман.

Вакцинация ҳар бир инсоннинг ҳуқуқи ва бурчидир, ва бизнинг биргаликдаги вазифамиз ҳаммамизнинг ҳимоямизни таъминлашдир.

Европа эмлаш хафтаси

Sun, 19 Apr 2020 00:00:00 -0300

Эмлаш орқали олдини олиш мумкин бўлган юқумли касалликларга чалинмасдан, ҳар бир бола саломат келажакка лойиқдир.

Ҳар йили Европа иммунизация ҳафталиги (ЕИҲ) Жаҳон Соғлиқни Сақлаш Ташкилотининг (ЖСТТ) Европа минтақасида нишонланади, унинг мақсади вакцинацияни касалликларнинг олдини олиш ва одамларнинг ҳаётини сақлашнинг асосий воситаси сифатида тарғиб қилишдир.

Жаҳон соғлиқни сақлаш ташкилоти 2020 йилни тиббиёт ҳамширалари ва акушерлари йили деб эълон қилди. COVID-19 пандемияси касалликларнинг тарқалишига қарши курашишда малакали, ўқимишли ва кучли тиббиёт ходимларининг мавжудлиги аҳамиятини таъкидлади. Уларга жамоамизнинг соғлиғини сақлашда ёрдам бериш учун, биз барча тавсия этилган эмлашни давом эттиришимиз ва эмлаш бўйича миллий кўрсатмаларга амал қилишимиз жуда муҳимдир. Қизамиқ ва полиомиелит каби хавфли касалликларнинг тарқалишининг олдини олиш учун биргаликда ишлашимиз керак.

⇒ ЖССТнинг Европа минтақавий бюроси директори, доктор Ханс Генри П. Клугенинг 2020 йилги Европа иммунизация ҳафталиги муносабати билан тақдимотини ўқинг ва томоша қилинг.

⇒ ЖССТ ва ЮНИСЕФнинг қўшма баёнотини ўқинг

ГАВИ, ЖССТ, ЮНИСЕФ: Ўзаро хамкорлик сарҳисоби ва янги истиқболли режалар

Fri, 29 Nov 2019 00:00:00 -0300

Жорий йилнинг 22 ноябрь куни Пойтахтимзнинг «Hyatt Regency Tashkent» мехмонхонаси анжуманлар залида Соғлиқни сақлаш вазирлиги – ЖССТ

Юртимизда ОПВга қарши эмлашнинг биринчи босқичи муваффақиятли ва самарали якунланди

Tue, 26 Nov 2019 00:00:00 -0300

Соғлиқни сақлаш вазирлигида юртимизда одам папилломаси вируси (ОПВ)га қарши эмлаш кампаниясининг биринчи босқич якунларига бағишланган анжуман бўлиб ўтди. Вазирликнинг масъул ходимлари ва соҳа вакиллари иштирок этган тадбирни Соғлиқни сақлаш вазирининг биринчи ўринбосари Баҳодир Юсупалиев олиб борди.

Анжуманда қайд этилганидек, кўплаб давлатларнинг одам папиллома вирусига қарши вакцинани амалиётга муваффақиятли татбиқ этиш тажрибасини эътиборга олган ҳолда, жорий йилнинг октябрь ойидан бошлаб юртимизда Жаҳон соғлиқни сақлаш ташкилоти ва ЮНИСЕФнинг қўллаб-қувватлаши натижасида бачадон бўйни саратони келтириб чиқарувчи ОПВга қарши вакцинани қўллаш йўлга қўйилди.

Эмлаш учун юртимизга 350 350 доза тўрт валентли “Gardasil” вакцинаси олиб келинган бўлиб, вакцина Жаҳон соғлиқни сақлаш ташкилоти ва Ўзбекистон Соғлиқни сақлаш вазирлиги томонидан кафолатланган. Жорий йилда республика бўйича 292 748 нафар 9 ёшли қизларни эмлаш режалаштирилган бўлиб, шу йил 19 ноябргача улардан ўз ихтиёрига кўра, 271 000 нафардан зиёди (92 фоизи) эмлаш билан қамраб олинди. Энг муҳими, айни пайтга қадар эмланган қизларнинг биронтасида вакцинанинг ножўя таъсири умуман кузатилмади.

Шу ўринда айтиб ўтиш лозимки, бачадон бўйни саратонига қарши ОПВ вакцинаси билан эмлаш иқтисодий жиҳатдан самарали бўлиб, аҳоли соғлиғини сақлашда муҳим ўрин тутади. Ҳозирги кунда 100 дан зиёд давлатларда ОПВ вакцинаси қўлланилиб, у 96 та давлатнинг Миллий эмлаш календарига киритилган.

Эътиборли жиҳати, малакатимизда ҳар бир вакцина жорий қилинишидан олдин ҳар томонлама чуқур таҳлил ва синовдан ўтказилиб, кўзланган ижобий натижага эришилсагина у амалиётга жорий этилади. Одам папиллома вирусига қарши вакцина ҳам мамлакатимизда илк маротаба 2006 йилда лицензиялашдан олдин синовдан ўтказилган. Ўтказилган клиник тадқиқотларда вакцина аёлларда саратон олди касалликлари ва саратоннинг олдини олиш билан бирга, репродуктив функцияларига ҳеч қандай ножўя таъсир кўрсатмаслиги, аксинча репродуктив функцияни ҳимоя қилиши аниқланган. Шунингдек, 2010 йилда мамлакатимизда 8 минг нафар 9-15 ёшли қизлар орасида ушбу вакцина қўлланилган эди. Ўтган даврда қизларда ҳеч қандай салбий ўзгаришлар кузатилмади ва бу вакцина ўзини оқлади.

Таҳлил натижаларига кўра, эмлаш эвазига келажакда ҳар йили 1100 та касалланиш ва бачадон бўйни хасталиги бўйича 600 га яқин ўлим ҳолатининг камайишига эришилади. 2050-2060 йилларгача аҳолининг 90 фоизи эмлаш билан қамраб олиниши орқали Ўзбекистонда бачадон бўйни саратони касаллиги тўлиқ бартараф этилишига эришилади.

Таъкидлаш жоизки, мамлакатимизда эмлаш ишларининг яхши йўлга қўйилганлиги натижасида шол, бўғма, гўдаклар орасида қоқшол, бактериал менингит, 5 ёшгача бўлган болалар орасида ротавирус инфекциясидан ўлим ҳолатлари кескин камайганлиги ҳамда 18 ёшгача бўлган болалар орасида вирусли гепатит В ва қизилча касалликларининг қайд этилмаслигига эришилди. Эътиборли жиҳати, 2017 йилда эса ЖССТнинг Европа ҳудудий бюросига аъзо бўлган 53та давлатлар ичида олтинчи бўлиб, Ўзбекистонга қизамиқ ва қизилча касаллиги бартараф этилганлиги эътироф этилди. Бундан ташқари, 2018 йил Ўзбекистон безгак касаллигининг маҳаллий ҳолатлари бартараф этилганлиги тўғрисидаги халқаро сертификатни ҳам қўлга киритди.

ОПВ вакцинасини қўллаш бўйича Миллий эмлаш кунларининг иккинчи босқичи 2020 йил апрель-май ойларида ўтказилиши режалаштирилган.

Ўзбекистонда одам папиллома вирусига қарши эмлашга старт берилди

Mon, 21 Oct 2019 00:00:00 -0300

Соғлиқни сақлаш вазирлигида мамлакатимизда одам папиллома вирусига қарши эмлашга старт берилиши муносабати билан матбуот анжумани бўлиб ўтди. Тадбир Соғлиқни сақлаш вазирлиги, Жаҳон соғлиқни сақлаш ташкилоти ва ЮНИСЕФнинг мамлакатимиздаги ваколатхонаси ҳамкорлигида ташкил этилди. Унда тегишли давлат, жамоат ва халқаро ташкилотлар вакиллари, онколог, эпидемиолог, гинекологлар ва журналистлар иштирок этди.

Тадбирда қайд этилганидек, бачадон бўйни саратони аёллар саломатлигига таҳдид қилувчи жиддий касалликлардан бири ҳисобланади. Статистик маълумотларга кўра, дунёда биргина 2018 йилда бачадон бўйни саратони билан қарийб 570 000 янги касалланиш ҳолати қайд этилган. Ҳар йили шу касалликдан 311 000 нафардан ортиқ аёллар вафот этади.

Дунёда бўлгани каби, мамлакатимизда ҳам ушбу хасталик аёллар ўртасида тарқалиши бўйича кўкрак бези саратонидан кейин иккинчи ва касалликлардан ўлим кўрсаткичи бўйича эса туғиш ёшидаги аёллар орасида иккинчи ўринда туради. ЖССТ маълумотларига кўра, ҳар йили юртимизда 1600 нафардан зиёд аёл бачадон бўйни саратони касаллигига чалинмоқда.

Миллий эмлаш календарига кўра, мамлакатимизда болалар давлат бюджети ҳисобидан 12 та бошқариладиган инфeкцияларга қарши эмланади. Шунинг учун ҳам юртимизда эпидемиологик ҳолат барқарор сақланмоқда. Эндиликда ОПВга қарши вакцинанинг жорий қилиниши эса яна бир оғир касаллик — бачадон бўйни саратони касаллигининг олдини олишга хизмат қилади.

Бугундан бошлаб юртимиздаги барча 9 ёшли ўсмир қизлар ушбу касалликка қарши эмланади. Шу ўринда қайд этиш лозимки, одам папиллома вирусига қарши вакцинанинг нархи анча қимматлиги сабаб аксарият давлатларда у пулли асосда бажарилади. Мамлакатимизда эса, ўсмир қизлар давлат ҳисобидан бепул эмланади. Натижада келажакда ҳар йили 1100 та касалланиш ва бачадон бўйни хасталиги бўйича эса 600 га яқин ўлим ҳолатининг камайишига эришилади.

Тадбирда қайд этилганидек, ЖССТ одам папилломаси вирусига қарши вакцинани барча иммунизация дастурларига киритишни тафсия этади. Бугунги кунда жаҳоннинг 96 давлати уни ўз миллий эмлаш календарига киритган. Уларнинг орасида Буюк Британия, Дания, Швеция, Финландия каби қатор Европа давлатлари, шунингдек, АҚШ, Канада, Австралия ва Лотин Америка мамлакатлари ҳам бор. Шундай қилиб, 2006 йилдан бошлаб шу кунгача бутун дунёда 100 миллион нафардан ортиқ одам ушбу вакцина билан эмланган.

Шу ўринда кўпчиликни вакцинанинг қизларнинг репродуктив функциясига салбий таъсири бўлмайдими, деган савол қизиқтириши табиий. Ўтказилган халқаро илмий тадқиқотларда шу аниқ бўлдики, юқорида қайд этилганидек, мазкур вакцина нафақат саратондан ҳимоялаш, балки, репродуктив аъзолар саломатлигини ҳам янада мустаҳкамлаш хусусиятига эга экан.

Бундан 9 йил олдин, яъни, 2010 йилда эмланган 8000 нафар қизлардан бири Гулираъно Раҳимжонова 3 ёшли қизчаси билан ушбу тадбирга ташриф буюриб, ОПВга қарши эмлашдан кейин соғлиғи билан боғлиқ ҳеч қандай салбий муаммо юз бермаганини, аксинча, вакцина саломатлигини яхшилашга хизмат қилганини алоҳида таъкидлади. Унинг айтишича, бундан 9 йил аввал у билан бирга эмланган тенгдошларининг аксарияти ҳозирда оналик бахтига мушарраф бўлган.

Матбуот анжуманида миллий ва халқаро экспертлар томонидан одам папиллома вирусига қарши вакцинанинг жаҳон тиббиётида қўлланилиши тажрибаси, унинг инсон саломатлигини асрашдаги муҳим натижаларига оид маъруза ва тақдимотлари ўтказилди. Журналистлар ўзларини қизиқтирган саволларга мутахассислардан батафсил жавоб олди.

Гулирано Рахимджанованинг тақдимоти (19чи дақиқа): https://www.facebook.com/WHOUZB/videos/789552114816712/

Бачадон бўйни саратонининг олдини олиш ва Ўзбекистонда ВПЧ вакцинасини жорий этиш

Mon, 16 Sep 2019 16:00:00 -0300

Гинеколог, ҳамда она ва буви сифатида Карабаева Нигоранинг ВПЧ вакцинаси билан боғлиқ тажрибаси ҳақида шундай дейди

ВПЧ вакцинасини жорий этиш бўйича Ўзбекистон хусусий мактаблари уюшмаси билан учрашув

Tue, 27 Aug 2019 16:00:00 -0300

2019 йил 23 август куни Ўзбекистон хусусий мактаблари уюшмаси билан ҳамкорликда инсон папилломавируси (ВПЧ) ва бачадон бўйни саратонининг олдини олиш бўйича жуда қизиқарли тадбир бўлиб ўтди. Соғлиқни сақлаш вазирлиги ва Жаҳон соғлиқни сақлаш ташкилоти мутахассислари дунё ва Ўзбекистонда бачадон бўйни саратони ва ВПЧнинг оғир кечиши, ЖССТни эмлаш бўйича тавсиялари, эмлаш ҳақидаги фактлар ва афсоналар, шунингдек, акушер-гинеколог нуқтаи назаридан ВПЧ тушунчаси каби мавзуларни тақдим этдилар. Тошкент шаҳридаги хусусий мактаблар директорлари ва шифокорлари умуман эмлаш билан боғлиқ бўлган ва ВПЧнинг олдини олиш бўйича жуда муҳим саволларни беришди.

Учрашувда гинеколог, ҳамда она ва буви сифатида Нигора Карабаева ВПЧ вакцинаси билан боғлиқ шахсий тажрибаси ҳақида сўзлаган нутқи алоҳида қизиқиш уйғотди. Хусусий мактаблар уюшмаси раиси Вахабова Фируза Наримановна таъкидлаганидек: «Қизлар бизнинг оиламизнинг давомчиси. Миллатни, соғлом авлодни асраш - бизнинг умумий мақсадимиз ва сиз ҳам, мен ҳам унинг асосий ижрочилари бўлишимиз керак.»

Уюшмага самарали ҳамкорлик учун миннатдормиз!

Бачадон бўйни саратони касаллигини олдини олиш, уни эрта аниқлаш ва даволашга бағишланган илмий-амалий анжуман

Tue, 20 Aug 2019 16:00:00 -0300

2018 йил 20 август куни Тошкент шаҳрида “Бачадон бўйни саратонисиз келажак” шиори остида бачадон бўйни касаллигини олдини олиш, уни эрта аниқлаш ва даволашга бағишланган илмий-амалий анжуман бўлиб ўтди.

Молдовада ВПЧ га қарши эмлаш амалиётини амалга ошириш тажрибаси бўйича Ўзбекистон Республикаси делегациясининг амалий ташрифи

Sun, 18 Aug 2019 16:00:00 -0300

«Булар бизнинг оналаримиз, опа-сингилларимиз ва қизларимиз, ва уларни биз бугунги кунда ВПЧ вакцинаси ва скрининг дастури туфайли бачадон бўйни саратонидан ҳимоя қила оламиз», - дея такрорлашди Молдова вакиллари.

Вакциналар учун совуқ занжир тизимида ҳарорат хавфини баҳолашда Ўзбекистонга техник ёрдам

Sun, 18 Aug 2019 16:00:00 -0300

Вакциналар учун энг яхши сифат ва хавфсизлик стандартларига эришишда Ўзбекистонга техник ёрдам кўрсатиш доирасида 2019 йил 13-24 август кунлари ЖССТ маслаҳатчилари Клер Фриж-Мадсен хоним ва Эрида Нелаж хонимдан иборат миссия амалга оширилади.

Ўтган ҳафта ЖССТ маслаҳатчилари катта миқдордаги вакциналарни сақлаш учун ишлатиладиган совутиш камераларини баҳолаш методологияси бўйича миллий ва вилоят даражасидаги мутахассисларни ўқитдилар. Миссия, шунингдек, вакциналарни сақлаш ва ташишнинг барча даражаларида вакциналарни совуқ занжир доирасида ҳароратини мониторинг қилиш бўйича тадқиқотни бошлайди. Тўпланган маълумотларнинг таҳлили ва мумкин бўлган хавфларни бартараф этиш бўйича тавсиялар ишлаб чиқиш 2019 йил охирига қадар кутилмоқда.

Эмлаш: Катталар ва болалар учун мутлоқ мукаммал йўриқнома. Ҳаттоки, вакцинацияга ишонмайдиганлар учун ҳам

Wed, 19 Jun 2019 16:00:00 -0300

Эмлашга қарши ҳаракат кенгайишда давом этмоқда,

Европа иммунизация ҳафталиги, 2019 й.

Wed, 19 Jun 2019 16:00:00 -0300

Ҳар йили Европа ЖССТ минтақасида юқумли касалликларни олдини олиш ва ҳаёт бардавомлигини сақлаб қолишнинг муҳим қуроли сифатида вакцинацияни олға суришга қаратилган Европа эмлаш ҳафталиги (ЕЭҲ) ўтказилади.

Яқиндагина Европа иммунизация ҳафталиги доирасида жуда ўзгача ва қизиқарли учрашув бўлиб ўтди

Thu, 06 Jun 2019 16:00:00 -0300

Яқиндагина Европа эмлаш ҳафталиги доирасида жуда ўзгача ва қизиқарли учрашув бўлиб ўтди. Иммунизация соҳасида барча саволларга шахсан жавоб бериш учун ЖССТ ва Ўзбекистон Республикаси экспертлари Ўзбекистоннинг таниқли блогерларлари билан учрашишди.